-Бұл дүниеде бір жаннат бар . Кім ол жаннатқа кірмеген болса , онда ақыреттегі жаннатқа да кіре алмайды-деген .Яғни , бұл дүниедегі жаннат – иман , ислам жаннаты .Иманның шынайы дәмін сезінген адамның жаннаты (İbn Teymiyye)

-Үш нәрсе . Олар кімде болса , онда ол иманның тәтті дәмін табады . Олар ; оған Аллаһтың және Оның елшісінің , ол екеуінен басқа нәрселердің бәрінен сүйіктірек болуы . Және кісіні тек Аллаһ үшін ғана сүйуі .Және Аллаһтың оны күпірліктен құтқарғаннан кейін , оған қайтып оралуды , тозаққа тасталғанды жек көргендей жек көруі – деген .( Бухари , Муслимдер риуаят еткен )

Иә , кімде осы үш нәрсе болса , ол иманның ләзатын , тәтті дәмін сөзсіз табады . Ал , егер иман келтірдім деген пенде сол иманының ләзатын таппай жүрсе , онда өзінде осы хадисте айтылған үш нәрсенің бар екенін , не жоқ екенін тексеріп көрсін . Ол Аллаһты және Оның елшісін барша заттан артықша сүйе ме ? Жоқ әлде жүрегінің түбінде олардан басқа бір нәрсеге деген махаббат үстемдік құрып , жасырынып жатыр ма ? Және өзінің мұсылман бауырын Аллаһ үшін сүйе ме ? Сүйсе ондағы бауырлықтың хақтарын Aллаһ риза болатын дәрежеде өтеп жүр ме ? Және күпірлікке қайта түсуден , күпірлікке алып баратын істерге қадам басудан тура тозаққа түсетіндей болып қарқа ма ? Егер бұл айтылған нәрселер онда болмаса , онда оның хәлі өте аянышты . Оның хәлі Раббыларының шынайы хақысын танымай және Одан келген хақ дін Исламға парасатсыз кіріп , кейін пайғамбарға ( Ол кісіге Аллаһтың игілігі мен сәлемі болсын )келіп : « Біз иман келтірдік »- деген Бәдәуилердің мысалы сияқты . Ал , Аллаһ олардың ондай даурықпасына , Өзінің елшісіне былай деп жауап айтуды бұйырған :
-Ей , Мухаммед ( Ол кісіге Аллаһтың игілігі мен сәлемі болсын ) оларға : « Сендер иман келтірмедіңдер ». Алайда : « Исламға кірдік » деңдер .Өйткені иман жүректеріңе кірмеді ... де . ( Хужурат :14 ) .
Аллаһ баршамызға шынайы иманды нәсіп етсін !