Бұл Алжирдің дін істері бойынша министрі Әбу Абдулла Гуламулланың халық алдында сөйлеген сөзінде айтқан пікірі. Бүгінде әлемнің өзге елдері секілді, Алжир де жаһандануға қарай беттеп барады. Бұл әсіресе кедей және сауатсыз халық арасында қатты байқалуда, өйткені жаһанданудың жарқ-жұрқ көрінісіне еліктегіш оларды сыртқы күштер христиан дініне тез тартып алады екен.

Алжирде христиандық жаһандану негізінде тарауда, дейді Гуламулла. «Жаһандану көп қолды сегізаяққа ұқсайды, әр қолын қоғамның барлық салаларына: қаржылық, діни, экономикалық, ғылыми, т.б. салып үлгерді. Христиандану да соның жасаған ісі» деді ол.

Жаһанданудың жағымсыз салдарларымен күресу үшін мешіттер мен медреселерді көбірек салу керек. Бұған дейін баспасөз беттерінде хабарланғандай, Алжирде миссионерлер адамдарды исламнан бас тартқызу үшін 5 мың доллар көлемінде ақша ұсынады екен. Сондықтан, христиан дінін халықтың кедей бөлігі қабылдап кетіп жатқан көрінеді.
http://www.ummet.kz/index.p....91a16ae