Қызылорда облысы Байқоңыр қалалық әділет басқармасы Байқоңыр қаласындағы №8 мектеп оқушылары мен мұғалімдерінің қатысуымен «Нашақорлық – қоғам дерті» тақырыбында «дөңгелек үстел» өткізді. Онда басқарма бастығы Н.Орымбаев есірткі және есірткіні пайдаланудың қоғамға келтірер залалы бойынша баяндап өтіп, нашақорлыққа байланысты заңдылықтарға, бағдарламаларға түсіндірме берді. «Дөңгелек үстелде» жас ұрпақтың нашақорлыққа түрлі арбау жолымен түсетіндігі немесе біреудің қорқытуымен нашақор атанатындығы айтылды. Шара барысында қатысушы жоғарғы сынып оқушылары мен әділет басқармасының қызметкерлері қазіргі таңдағы маңызды мәселеге айналып отырған нашақорлыққа қарсы күрес жүргізу мәселесі бойынша өзара пікір алмасты. Қызылорда облысының әділет департаменті
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
