[02.11.2009.] 13-қарашада мемлекет басшысы Нұрсұлтан Назарбаев халықпен тікелей эфирде тілдеседі - 2 Ноября 2009

Мемлекет басшысы Нұрсұлтан Назарбаев 13-қарашада халықпен тікелей эфирде тілдеседі. Бүгін Астанада халықтың сауалын жинайтын арнайы орталық жұмыс істей бастады. Қабылданған сұрақтардың ішіндегі ең өзекті, ең қызықты дегеніне Елбасы республикалық телеарналарда көрсетілетін тікелей сұхбат арқылы жауап береді. Мемлекет басшысына сауал жолдағысы келген азаматтар байланыс құралдарының барлық түрлерін, яғни интернет, электрондық пошта, жәй және ұялы телефонды қолдана алады. Сұрақтарды қабылдау ісі күні-түні жүргізілмек. Тек 555-777 номірін терсеңіз жеткілікті. Бұл – барлық аймаққа ортақ нөмір.
Сұрақтарды интернет арқылы line.gov.kz және vopros@akorda.kz мекен- жайына жолдауға да болады. Келіп түскен сауалдарды мына орталық қызметкерлері мағынасына, саласына қарай реттеп отырады. Осы үшін орталық қызметкерлері арнайы тәжірибеден өткен. Елбасы көпшіліктің сауалдарына тікелей эфир арқылы осымен үшінші мәрте жауап бергелі отыр. Бұл жолы сұрақтар байланыс түрінің бәрінен де қабылданатындықтан, шара «Президент тікелей желіде» деген атаумен ұйымдастырылып отыр. Алғашқы сауал интернет арқылы таңғы сағат 7:30-да келіп түсіпті.
Қуанышбек Есекеев, Ақпараттандыру және байланыс агенттігінің төрағасы:
- Сауалдар түсе бастады. Интернет орталығы арқылы да сұрақтар жинап жатырмыз. Екі жұманың ішінде көптеген сұрақтар түседі деп ойлаймыз. Мына отырған азаматтар түсіп жатқан сұрақтарды жинап, порталға енгізеді. http://kaz.ktk.kz/
Нұржан Сабырұлы