Елімізде мұсылманның бес парызының бірі — қажылық сапарға барушылардың саны жылдан-жылға артып келеді. Алайда, қажылықтың да мұсылман ағайындарға қояр өз шарттары бар. Сондықтан да, облыстық Марал ишан мешітінің қызметкерлері үстіміздегі жылы қажылыққа барушылар үшін дайындық жүргізуде. Осы киелі орында қажылыққа ниет білдірген жерлестерімізге аптасына екі рет, яғни, дүйсенбі және сәрсенбі күндері арнайы дәріс ұйымдастырылады. Оны облыстың Бас имамы Ертай қажы Исламұлы мен наиб имам Бақытжан қажы Икрамұлы қазақ және орыс тілдерінде жүргізуде. Онда жиналған қауымға қажылықтың мән-жайы, әдебі мен тәртібі, шарттары жан-жақты түсіндіріледі. Мұндағы негізгі мақсат — қажылық сапарға баруға бел буған ағайындарды оған сақадай-сай дайындау. Биылғы жылы қасиетті Меккеге қажылық сапарға Қостанай өңірінен 20-ға жуық мұсылман ниет білдіріп отыр.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
