[05.10.2009.] Дүмше діндарлар енді спортшыларды жағалауға кірісіпті
21:20
Елді іштен ірітер дүмше діндарлар енді спортшыларды жағалауға кіріскен. Мұндай жағымсыз оқиғалар соңғы кезде жиілеген. Жат дінді насихаттаушылар шет жерде білім алып келгендер көрінеді. Әрі олар өз әрекетінің аясын уақыт өткен сайын ұлғайтқан. Осы келеңсіз құбылыстың алдын алмақ болған облыстық (БҚО) мешіттің өкілдері спортшылармен кездесті. Жиын барысында дәстүрлі діндерді қалай айырып, неден бас тарту керектігі кеңінен талқыға түсті. Отырыстың басты мақсаты - өңіріміздегі діни экстремизмнің қауіптілігі туралы және оның алдын-алу мәселесін тұрғындарға жеткізу. Еліміз егемендік алғаннан кейін мемлекетімізде 45-ке тарта діни ағым тіркеліпті. Олардың барлығы заңды түрде рұқсат алып, өз жұмысын жүргізілуде. Ата діннен бет бұрып басқа дінге иланғандар қатары да артып келеді. Дін таңдау әрине зайырлы мемлекеттің қай-қай азаматының өз құқығы. Алайда бұл проблемада ұлттық менталитеттің ақсауы байқалып отыр. Қоныс Жетпісов: Ислам дінін басқа теріс діндерден дұрыс ажырата білу қажет. Біздің елімізде экстремизм мәселесі күнен күнге өршіп келеді. Бас имамның сөзінше шетелде білім алып келген отандастарымыз елге келіп, сол елдің мәдениетін уағыздайды. Әр елдің мәдениеті әртүрлі. Осыдан келіп түрлі діни ағымдар пайда болады. Облыста теріс діни ағымдар жоқ емес бар. Соның ішінде ислами ағымдардың да аз еместігін облыстық мешіттің бас имамы Смайыл Сейтбеков баса айтты. Смайыл Сейтбек: Айта кететін жайт, осы теріс ағым өкілдері көбіне өздерінің бірлестіктеріне спортшыларды тартып, теріс уағыз айтады екен. Бұндай жайттар өңіріміздің жаттықтырушыларының арасында да кездескен. Дін атын жамылып, пиғылы теріс саясатын жүргізгендермен күрес өңірімізде жүйелі жүргізілуде, алайда бұл індеттен қорғану үшін барлығымыз біріккеніміз жөн деп тарасты отырысқа келгендер. Жаңалықтар фабрикасы.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
