[05.11.2009.] Діни экстремизм, терроризм, дінді бұрмалаушылықтың алдын-алу - 5 Ноября 2009

Оңтүстік Қазақстан облысы Мақтаарал ауданының Ғ. Мұратбаев атындағы Жетісай гуманитарлық колледжінде «Діни экстремизм, терроризм, дінді бұрмалаушылықтың алдын-алу» тақырыбында семинар-кеңес өтті.
Семинар кеңесте «Өткелбай» мешітінің бас имамы Б. Сыздықов осындай ұйымдастырылған жиын жастарымыздың дәстүрлі дінімізге бетбұрыс жасап жатқандығының нәтижесінде оларға көптеген ислам жөнінде ақпарлар беруіміз қажет. 2005 жылы елімізде Әл-Каеда, Шығыс Түркістан ислам партиясы, Күрд халықтық конгресі, Өзбекстанның ислам қозғалысы, Талибан ұйымы, Лашкар-и-тайба және Хизбут-Тахрир ұйымдарына тиым салынған. Олардың халық арасында іріткі салып, елдің ынтымағы мен бірлігін бұзып жатқан кейбір діни ұйымдарының құрығына түсіп қалмай, жастарымызды осындай лаңкестік әрекет жасап жатқан алаяқ діни ұйымдардан сақтандыру қажет.
Олардың көздейтін мақсаты да сол, елді бір-біріне жауластырып, ел тыныштығын бұзу. Бас имам жастарға ислам дінінің шарттарын түсіндіріп, оларды тәрбиелікке және имандылыққа шақырды.
Колледж директорының оқу ісі жөніндегі орынбасары Б. Баязитов жастардың имандылыққа бет бұрып, бес уақыт намаздарын оқуы бізді қуантады. Оларға арнап, намаз оқитын бөлмелер ашылғандығын тілге тиек етіп, тұрмысы төмен отбасылардың балаларына түрлі жеңілдіктер қарастырылғанын, сондай-ақ, студенттердің теріс бағыттағы діни ұйымдардан сақтандыру мақсатында діни эктремизм мәселелері бойынша әр айда семинар-кеңестер мен дөңгелек үстелдердің жиі өткізілетіндігін хабарлап өтті.
Басқарма бастығының орынбасары А. Байжанов діни экстермизм бұл азаматтардың отбасын ажыратуға мәжбүр етеді, ішінара халықтар арасында іріткі салатындығын, яғни, еліміздің саяси тұрақтылығына бірден бір зиянын тигізетін мәселе екендігін айтып, алдағы уақытта да имамдар, учаскелік инспекторлармен бірігіп, жиындарды ауыл-аймақтарда да жиі өткізіп тұру керектігін айтты.