[06.10.2009.] Орталық Азияда ең үлкен мешіттің құрылысы басталды
19:44
Сайтымызда алдын хабарлағанымыздай Тәжікстан Орта Азиядағы ең үлкен мешітті салатын болған болатын. Бұл жөнінде әл-Жазира телеканалы хабарлаған еді. Сонымен Душанбеде Орталық Азиядағы ең үлкен мешіттің құрылысы басталды. Оның іргетасының алғашқы тасын Тәжікстанның президенті Эмомали Рахмон қалады, деп хабарлайды ҚазАқпарат ресейлік «Жаңалықтар» агенттігіне сілтеме жасап. Мешітте бір мезгілде 150 мыңға дейін адам сәждеге бас қоя алатын болады. Құрылысқа 7,5 гектар жер бөлінді. Мешітке іргелес аумаққа ислам университетінің ғимараты салынады. Сонымен қатар, бұрқақтар, кітапханалар, мұражай және конференциялар өткізуге арналған арнайы залдар салу жоспарланған. Құрылысты Біріккен Араб Әмірлігінің «Аднан Сафарини» компаниясы жүргізеді. Нысан бес жылдан кейін пайдалануға берілмекші. ДінИслам ақпарат ҚазАқпарат және әл-Жазира материалдары бойынша.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
