[07.10.2009.] Ешкім экстремист болып тумайды, оған бейімделеді
05:27
2009 жылы қыркүйек айының 18 және 26 күндері Жамбыл облысы Әділет департаменті Діни істер жөніндегі бөлімнің бастығы Б.І. Әмірбеков «Болашақ» қоғамдық бірлестік ұйымдастырумен өткен Байзақ ауданы № 17 мектебінде және Тараз қалалық №18 мектептерінде өткен ата-аналар жиналысы мен «Ешкім экстремист болып тумайды, оған бейімделеді» атты пікір-сайысқа қатысып, қазіргі таңда әлемде туындап отырған діни экстремизм, терроризм, сепаратизм мәселелеріне және олардың шығуына әсер етіп отырған факторларға тоқталып өтті. Өз сөз кезегінде Б.І. Әмірбеков: «Соңғы уақытта еліміздегі жастардың 45 пайызы дінге бет бұрып, өздерінің өміріне рухани тірек табу үшін діни ғибадат орындарына барып жүр. Бізді ойландыратын күрделі мәселе сол барған жастарымызға қандай бағытта тәлім-тәрбие беріп жатқаны. Сонымен бірге ата-аналарға да ескертіп кететін бір жағдай жазғы уақытта балаларды демалыс лагерлеріне жібергенде де абай болу керек, себебі қазіргі уақыттағы кейбір кері ағымдағы діни бірлестіктер осы демалыс орындарын өз мақсаттарын іске асыру үшін пайдалануда. Тағы да ескере кететін жағдай біздің мемлекетіміз зайырлы болғандықтан Ата Заңымызда көрсетілгендей ешқандай азаматтың діни сенім бостандықтарына шектеу қойылмайды. Дегенмен қолданыстағы заңнамаға сәйкес мектеп жасындағы балалар діни тәрбиені мектептен тыс уақытта алулары тиіс. Ата-аналары өз балаларын мәжбүрлеп дінге тартуға және олардың құқықтарын шектеуге Заң тиым салады»,- деп ойын тұжырымдады. Діни істер жөніндегі бөлім бастығы Б.І.Әмірбеков
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
