[07.10.2009.] «Ислам атын жамылған ағымдар» атты дөңгелек үстел болып өтті - 7 Октября 2009

Оңтүстік Қазақстан облысы Қазығұрт ауданының Әділет басқармасында «Ислам атын жамылған ағымдар» атты дөңгелек үстел болып өтті. 2009 жылдың қыркүйек айының соңында Оңтүстік Қазақстан облысы Қазығұрт ауданының Әділет басқармасында «Ислам атын жамылған ағымдар» атты дөңгелек үстел болып өтті.
Қазығұрт аудандық Әділет басқармасының ұйытқы болуымен өткен бұл іс-шараға прокуратура, ІІБ-нің өкілдері және аудандық ішкі саясат бөлімінің маманы, ауданның бас имамы, сондай-ақ, жергілікті БАҚ өкілдері қатысып, имандылық иірімдері жөнінде сөз қоғалды. Әсіресе, қазіргі саңырауқұлақтай қаптап кеткен діни ағымдардың келешегімізге нұқсан келтірумен, жастарымызды үгіттеп, олардың құрығына түсіп қалмастан, бүгінгідей қаржы дағдарысында қаражатқа қызығып, алданып қалмауы ескерілді. Олардың осындай теріс жолға түсіп кетуіне не себеп? Міне, осындай сауалдар әңгіме арқауына айналды. Болашағымыз-жастардың өмірі жарқын, келешегі кемелді болуы - біздің ел алдындағы азаматтық борышымыз. Көшеде кезіп жүрген миссионерлердің мақсаты, мүддесі қандай? Олардың қоғамдағы ролі, осындай дінге бет бұрған жастарымыздың құқығы төңірегінде орган қызметкерлері жан-жақты саралап, Конституциямыздың кіріспесіндегі «Мемлекеттің басты байлығы - адам, адамның өмірі, бостандықтары мен құқықтары аясында әсіресе, кәмелетке толмаған өскелең ұрпақтың өмірі сарапқа салынды. Мұндай ахуал қазір елді елең еткізіп, тек бізді ғана емес, әлемді дүр сілкіндіріп отыр. Күрмеуі шешілмеген күрделі мәселені талқылау, көптеген діни бірлестіктердің мемлекеттік тіркеуге рәсімделместен-ақ, өз ісін дөңгелетіп жүргені ақиқат. Әсіресе, бұл жағдайда біздің аудан, ауыл имамдарының сауаттылығын көтеріп, олардың әлеуметтік қолдауда жалақы мәселесін көтеру жағы да баса айтылды. Қазіргі таңда елдің рухани дамуында дініміз бен тіліміздің абыройын асқақтатып, ауқымын кеңейтіп, үгіт-насихат жұмыстарын жандандыру қажет. Осы бағытта Қазығұрт аудан әкімшілігі жанындағы діни бірлестіктермен байланыстар жөніндегі кеңеске әр тоқсан сайын әкімнің қатысуымен құқық қорғау органдары, қоғамдық ұйымдар мен БАҚ өкілдерінің қатысуымен дөңгелек үстел, семинар-кеңестер өткізу аудан әкімінің тарапына ұсынылды. Қазіргі таңда діни ахуал ауданда тыныш және ішкі істер бөліміне дінге қатысты ешқандай келеңсіз жағдайлар мен құқық бұзушылық фактілер мен арыз-шағымдар болмаған.
Оңтүстік Қазақстан облысы Әділет департаментінің баспасөз-қызметі