[07.10.2009.] Оңтүстік Қазақстан облысында ВИЧ жұқтырған баланы емдемек болған тәуіпке қатысты қылмыстық іс қозғалды - 7 Октября 2009 - Бала-Бүргемге қош келдіңіз
[07.10.2009.] Оңтүстік Қазақстан облысында ВИЧ жұқтырған баланы емдемек болған тәуіпке қатысты қылмыстық іс қозғалды
22:44
Оңтүстік Қазақстан облысында ВИЧ жұқтырған баланы емдемек болған тәуіпке қатысты қылмыстық іс қозғалды. Естеріңізге салар болсақ, бұған дейінгі хабарымызда ғасыр індетін иісумен егіп емдейтін емші туралы айтқанбыз. Халық емшісі Бейне Қаржаубаеваның айтуынша, күллі дүние дәрісін таппай жатқан індетінің емі туралы тылсым күштер аян берген. Бірнеше ай осы әдіспен емделген науқастың бірі 8 жасар қыз, осыдан бірнеше апта бұрын ауыр халде ауруханаға түскен еді. Сәби тәуіпке барам деп, антиретровирустық терапияны қабылдауын тоқтатқан. Сондықтан үш жылдан бері арнайы ауруханада емделген қыздың емін қайта бастауға тура келіпті. Сондай ақ, емшіге ВИЧ індетін баласынан жұқтырған ана да қаралып жүрген. Кейін оның да жағдайы нашарлаған соң дәрігерлерден көмек сұрауға мәжбүр болған. Осы екі жағдайдан соң дәрігерлер құқық қорғау орындарына арызданған еді. Белгілі болғанындай, тәуіптің кісі емдеумен айналысуға арнайы рұқсаты да жоқ екен.
Салтанат Қаракөзова, ОҚО ІІД баспасөз хатшысы: -Күдікті әйелдің үстінен Қазақстан Республикасының Қылмыстық кодексінің 266- бабы бойынша қылмыстық іс қозғалды. Ол – заңсыз медициналық тәжірибемен айналысуға байланысты. Медициналық және психиатриялық сараптамалар тағайындалды. Ақпарат көзі..
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
