Жуырда ғана Қазақстан мұсылмандары діни басқарма-сының Оңтүстік Қазақстан облысындағы барлық мешіттері имамдарының қатысуымен ке-ңейтілген семинар өтті. Семинарды ҚМДБ-ның ОҚО бойынша өкілдігі ұйым-дастырды. Семинар жұмы-сына, сондай-ақ, облыстық Ішкі саясат басқармасы мен облыстық Әділет департаментінің жауапты қызметкерлері қатысты. Әуелі Құран оқумен басталған іс-шараның мақсаты мен бағытын Діни басқарманың Оңтүстік Қазақстан облысы бойынша өкіл имамы Ахметжан қажы Керімбек қатысушыларға түсіндіріп өтті. Осыған дейінгі облыс көлемінде атқарылған жұмыстарға қысқаша тоқталған Ахметжан қажы оңды жетістіктермен қатар, кемшіліктер жөнінде де әңгіме етті. Семинар барысында алғашқы сөзді алған Діни басқарманың Оңтүстік аймақтық өкіл имамы Асылбек қажы Төлегенов мешіт имамдарына оңтүстік өңіріндегі діни ахуал жөнінде әңгімелеп өтті. Имам-молдалар қызметінің жандануы жөнінде сөз қозғады. Семинарда негізгі баяндаманы облыстық өкіл имамның орынбасары Ербосын Орын жасап, дәстүрлі дін саласындағы жүргізіліп жатқан жұмыстарға кеңінен тоқталды. Оның әңгімесінде тапсырылған жұмыс-тардың орындалу мәселелері, мешіттердегі ішкі тәртіп жағ-дайлары, имамдардың сауатты-лық деңгейін көтеру мәселесінің орындалу деңгейі, кереғар діни ағымдармен күрес жағдайлары, т.б. көптеген мәселелер ай-тылды. Сонымен бірге, үлгі тұтарлықтай мешіттердің имам-дарының қызметін де айтып өтті. Атап айтқанда, Шымкент қалалық мешіті мен Сайрам ауданы, Қарабұлақ мешіттері имамдарының (Ә.Тойшиев, Ә.Рахматуллаев) тарапынан оңды жұмыстар атқарылған екен. Аталмыш аудандарда берілген тапсырмалардың нақтылы орындалуымен қатар, имам-молдалардың білімін арттыру бойынша да қыруар шаралар атқарылыпты. Бұдан кейін кезекті сөздерге шыққан облыстық Әділет департаментінің діни істер бөлімінің бастығы Мұратәлі Қалмұратов пен облыстық Ішкі саясат басқармасының діни бірлестіктермен жұмыс жөніндегі бөлім бастығы Ербол Байқонақовтың тарапынан өзара бірлескен шараларды жүзеге асыру мәселелері, кереғар ағымдарға қарсы күрес жүргізу жайы, мешіттердің тіркеуден өтуі, әрі жерге құқықтық құжаттарын реттеу жағдайлары, т.б. мәселелер сөз болды. Семинарға бірқатар қоғамдық негіздегі діни ұйымдардың өкілдері де шақырылыпты. Атап айтқанда, деструктивті діни ағымдармен күрес жүргізуші орталық ретінде жұмыс жүргізіп жатқан «Нұр мұра» қоғамдық бірлестігінің төрағасы Абдулла Бақадыр мен «Халал» стандарттау орталығының Оңтүстік Қазақстан облысындағы өкілі Бақытжан Нұсқабаевтар сөзге шығып, қатысушыларға өздерінің ұсыныс-пікірлерін жеткізді. Жалпы, іс-шара жоғары деңгейде өткізіліп, арнайы қарар қабылданды.
Қазақстан мұсылмандары діни басқармасының Оңтүстік Қазақстан облысы бойынша өкілдігінің баспасөз қызметі. http://muftyat.kz
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
