Үйлену тойынан кейін ұрлық жасапты. Теннесси штатының Севьервилль елді мекенінде полицейлер «діни ғимаратты тонап кетті» деген күдікпен жас жұбайларды қолға түсірді. Тәртіп сақшыларының құрығына ілінген Брайан Дайкс және Минди Макги өткен сәрсенбіде ғана үйленген.
Ғашықтардың үйлену тойы шағын таулы демалыс орнында, Angel’s View діни орнында өтті. Салтанатты рәсімнен кейін жас жұбайлар мұнараға жақын орын тепкен бір үйді жалға алады. Алайда түннің бір уағында Дайкс және Макги көліктеріне отырып, үйлену рәсімі өткен жерге қайтып келеді. Ыстық-суығы басылмаған жастар ғимарат ішіне кіріп, 500 АҚШ доллары көлеміндегі ақшаны жымқырып кеткен. Куәгерлердің айтуынша, бұл оқиға түнгі сағат 1-дің шамасында орын алды. Алайда жұбайлар көп кешікпей қолға түседі. Полицейлер күдіктілерді аймақтағы бір мейрамханадан ас ішіп отырған жерінен ұстады. Айласын асырмасын білгеннен кейін Дайкс мен Макги қылмыстарын мойындап, алған ақшаларын қайтарып берді. Сот жастарды қамауға алып, қатаң бақылау орнатты.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
