[16.10.2009.] Туркияда адам емес компьютер азан айтатын болды
08:23
Түркия мешіттері азан шақырудың бірыңғай компьютерленген жүйесіне көшіріліп жатыр. Бұл жөнінде кеше КТК телеарнасы хабарлаған болатын. Түркияда мешіттер мемлекет қарамғында. Бұл елдің мешіттерінде мемлекеттің тағайындаған азаншысы болмайды, әр мешітке мемлекет тарапынан тек қана имам бекітіледі. Имам сол үшін айлығын алады. Кей мешіттерде осы себепті азаншылар тапшы болатын. Бірақ, азаншылар жоқ деген сөз емес. Ақысыз, яғни мемлекеттің жалақысы үшін емес, Аллаһ разылығы үшін азан айтқысы келетін үміткерлер жетерлік. Намаз уақыты кіргенде қаланың әр шетінен азан даусы бірінен соңы бірі шығып жатады. Бұдан былай ол азаншылардың міндеттерін компьютерлер атқаратын болып отыр. Дегенмен бұл жаңадан басталған шараға қарсы болғандар бар. Жақтаушылар да аза емес көрінеді. Бірыңғай тәртіптің енгізілуіне бірнеше себеп бар екен: елдегі барлық мешіттерде бір уақытта азан шақырылады және бір адамның ғана дауысы қойылады. Азанды бұзып шақыру немесе қателесу, дауыстың қарлығуы дегендер болмайды. Бұл - компьютер арқылы азан шақыру бастамасын көтерген топтың пікірі. Суретте: Туркия, Стамбул, Сұлтан Ахмет мешіті.ДінИслам ақпарат.
Бүгінше азаншыларымызды «компьютерлендіріп», азанды аудио жазбамен айтқызамыз. Ертең имамдарымызды «компьютерлендіріп», михрабқа үлкен монитор қойып, намазды бейне жазбамен жүргіздіреміз. Арғы күні жамағатымызды «компьютерлендіріп», мешітіміздің артқы жарына одан да үлкен монитор қойып, имамға бейне жазбамен ұйдырамыз.
Сөйтіп мұсылман үмметі ойдай құлшылықтан «босайтын» болады.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
"Азанды бұзып шақыру немесе қателесу, дауыстың қарлығуы дегендер болмайды. Бұл - компьютер арқылы азан шақыру бастамасын көтерген топтың пікірі." 
