[19.09.2009.] Қырғыз әйелдері исламдық орталық салуды баса айтты.
23:27
Қырғызстан мұсылман әйелдері бұл елдің ресми қайраткерлеріне хат жолдап, әйелдер исламдық орталығын салуға Бішкек үкіметінің қол ұшын беруін талап етті. Фарс агенттігі тілшісінің Бішкектен мәлімдеуінше, "Мутакаллем" деп аталатын Қырғызстан әйелдерінің әлеуметтік өсу бірлестігінің өкілдері үкіметтің ресми органдарына хат жөнелтіп, әйелдер исламдық орталығын салу үшін жер телімін беруге қолғабыс жасауын сұрады.Бұл ұйымның жауапты басшысы Жамал Фронбекқызы Бішкектегі баспасөз отырысында, бұл шара мақсатын әйелдердің ғибадат құлшылығы үшін қолайлы жағдай жасау және сондай ақ шариғат пен ислам мәдениетін үйрету курстарын ашу деп жариялады. Ол:Қырғызстанда бірнеше мың мешіт бар. Көбінесе оларды ерлер пайдаланады және әйелдер діни парыздарын орындауға бұл мешіттерге кіру үшін шынайы қиыншылықтарға тап болып отыр деді. Ресми мәліметтер бойынша 7 миллион халқы бар Қырғыз елінің шамамен 80 пайызын мұсалмандар құрайды. Ақпарат көзі..
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
