05.08.08. СПИДке ҚАРСЫ КҮРЕС МӘСЕЛЕСІНЕ АРНАЛҒАН КОНФЕРЕНЦИЯ
15:47
СПИДке қарсы күрес мәселесіне арналған конференция
СПИД-ке қарсы күрес мәселесіне арналған халықаралық конференцияда АҚШ-тың бұрынғы президенті Билл Клинтон азық-түлік пен жанар майдың қымбаттауы бұл ауруды жұқтырған адамдардың онсыз да ауыр жағдайын нашарлата түскенін айрықша атап өтті. Сол себептен Клинтон СПИД-ке қарсы дәрі-дәрмектердің қымбаттамауына бағытталған бағдарламалардың қаржыландыруын арттыруға шақырды. «Біз профилактика, емдеу және науқастарға қамқорлықты көпшілікке қол жетерліктей етіп, дамымаған медициналық жүйелерді күшейтуіміз керек», - деді Билл Клинтон. Клинтон сөз сөйлеген сәтте бір топ адам мінбе алдында СПИД-пен науқас адамдар үшін үй салуды талап еткен плакаттарды ұстап тұрды.
БҰҰ-ның деректері бойынша, 2007 жылы СПИД-ке қарсы күрестің түрлі бағдарламаларына 10 миллиард доллар бөлініпті.
Конференция алдында жарияланған мәліметтерге қарағанда, әлем бойынша бұл ауруды жұқтырған адам саны біршама қысқарған. Алайда, Ресей, Британия, Германия және Қытай сияқты елдерде науқастар саны өсіп келеді. Соңғы 50 жылда СПИД-тен 50 миллионнан астам адам қайтыс болған екен. Қазіргі кезде әлемде 33 миллион адам бұл ауыруды жұқтырған.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
