[21.09.08.] АЛМАТЫДА «МЕН ТЕМЕКІНІ ТАСТАҒЫМ КЕЛЕДІ» АТТЫ ШАРА ӨТТІ
21:46
Алматыда «Мен темекіні тастағым келеді» атты шара өтті
Кеше Алматыда «Мен темекіні тастағым келеді» атты алдын алу шарасы өтті, деп хабарлады ҚазАқпарат.
«Алматы қаласы салауатты өмір салтын қалыптастыру орталығының» ұйымдастыруымен өтіп жатқан шара аясында қалалық наркология орталығының дәрігерлері, психологтар, ерікті денсаулық сақшылары темекі шегетін адамдарға тегін кеңес беруде. Акцияға қатысушылардың бәріне тақырыптық плакаттар, кітапшалар, күнтізбелер таратылды, оларда осы зиянды әдеттен жиренудің тиімді әрі жеңіл жолдары келтірілген.
«Жастар және шылым» деп аталатын зерттеудің қорытындысы бойынша Алматыда 13 пен 15 жас аралығындағы оқушылардың 14,8 пайызы темекі шегетіндігі анықталған. Салауатты өмір салтын қалыптастыру орталығының мамандары аталған оқушылардың 70 пайызының үйінде әкелері, 40 пайызының отбасында аналарының темекі шегетіндігін айтады. Ал жалпы Алматыда 350 000 адам темекіге тәуелді екен. Акцияның келесі кезеңі қазанның 4-інде алматылықтар көп жиналатын 28 панфиловшы-батырлар атындағы саябақта өтпек.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
