1. Отбасының бүкіл қам-қарекетін мойнына алып, шамасы келгенінше қамқорлық жасау. Бірде Аллаһтың елшісінен, оған Аллаһтың игілігі мен сәлемі болсын; «Әйелінің күйеуіне байланысты қандай хұқы бар?», - деп сұраған да Ол былай деп жауап берген: «Сен өзің тамақ ішсең оны тамақтандыруың керек, өзің киінсең оны киіндіруің керек және де сен оны жүзінен ұруыңа, жаман сөздер айтуыңа, үйден тыс жерде (сұрағына жауап бермей) одан теріс айналып кетуіңе болмайды». Абу Дауд. Аллаһтың елшісі, оған Аллаһтың игілігі мен сәлемі болсын, былай деген: «Аллаһ жолына динар жұмсасаң, құл (азат) етуге динар жұмсасаң, кедейге садақа ретінде динар жұмсасаң және жанұяңның керегіне динар жұмсасаң, сонда сол жұмсаған динарларыңның ішіндегі ең сауабтысы - ол жанұяң үшін жұмсаған динарың». Муслим. 2. Әйелімен жақсы қарым-қатынаста болу. Аллаһтың елшісі, оған Аллаһтың игілігі мен сәлемі болсын, былай деген: «Иманы толық мүмин болып, мінезі көркем мүмин саналады, ал мінезі көркем мүмин болып, әйелімен жақсы қарым-қатынаста болған мүмин саналады». Ат-Тирмизи Аллаһтың елшісі, оған Аллаһтың игілігі мен сәлемі болсын, былай деген: «Расында, әйел қабырғадан жаратылған, ол сен үшін ешқашан түзу болмайды, сондықтан егер сен оны жақсы көргің (сүйгің) келсе, оның қисықтығына қарамай жақсы көр (сүй). Ал егер оны түзеткің келсе, онда оны сындырасың, (ал) сындыру дегеніміз онымен ажырасу». Муслим. Аллаһтың елшісі, оған Аллаһтың игілігі мен сәлемі болсын, былай деген: «Мүмин еркек, мүмин әйелді жек көрмеу керек, өйткені оның мінезінің бір көрінісіне қапа болса, онда басқа-бір көрінісіне риза болады». Муслим.
Жібекті түте алмаған - жүн қылады, Аруды күте алмаған – күң қылады. Халық даналығы
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
