[13.01.2009.] ҚАТАРДА ИСЛАМ ӨНЕРІНІҢ МҰРАЖАЙЫ АШЫЛДЫ - 13 Января 2009

Доха қаласындағы әйгілі американ сәулетшісі И.М.Пэйдің жобасы бойынша бой көтерген Ислам өнерінің мұражайы осы ел үшін халықаралық қауымдастықтар мен инвес-торлардың назарын аудару-дың сәтті бір қадамы болды. Дубай, Абу-Даби, Біріккен Араб Әмірліктерінің басшылары соңғы ондаған жылдардан бері шөлейттегі кішкентай қалаларды гүлденген халықаралық орталықтарға айналдыру үшін милиардтаған қаржыны жұмсады. Бизнес, өнеркәсіп, ойын-сауық және спорттан өзге, олар өнерге де көп ақша салды. Катарлық Ислам өнерінің мұражайы Парсы шығанағы елдері батыл түрде жұмыла іске асырған мәдени жобалардың алғашқысы болды. Мұражайдың бес қабатты ғимараты Дохадан көз жетер қашықтықтағы қолдан жасалған аралдың үстінде орналасқан. Сырттай қарағанда, ежелгі заманғы қамалдарға ұқсайды. Мұражай басшылығының айтуынша, Пэй исламдық сәулет өнерінен шабыт алып, әсіресе, Каир қаласындағы ІХ ғасырда тұрғызылған Ахмед ибн Тулунның мешітін көріп, өз жобасын соған сәйкестендіре жасаған. Мұражай басқармасының бастығы Абдулла ан-Наджар: «Келушілер тек мұражайдың сәулетті құрылысына ғана емес, оның ішіндегі жинақталған жәдігерлерге де таңданыспен қарайды»,– дейді.
Мұнда Катар астанасына Таяу Шығыстың барлық өлкесінен, Үндістаннан және Испаниядан, т.б. аймақтардан әкелінген көне кітаптар, қолжазбалар, қыш бұйымдары және басқа да ежелгі заттар жұрт назарына қойылған. Мұражай 2008 жылдың 1 желтоқсанында ашылды. «Шекараның арғы жағы: әртүрлі мәдениеттердегі ислам өнері» атты алғашқы көрме 2009 жылдың соңына дейін жалғаспақ.