Хирург Ричард Батиста мен Донелл Батиста 1990 жылы бiр-бiрiн сүйiп, отбасын құрады. 2001 жылы әйелi Доннел бүйрегiнен қатты зақымданып, орнына сау бүйрек орнату қажет болады. Сүйгенi үшiн құрбаны болуға дайын Ричард, амал жоқ, өзiнiң бүйрегiн Доннелге қияды. Ең қайғылысы, төрт жылдан кейiн Доннел күйеуiмен ажырасу туралы сотқа арыз бередi. Сөйтсе, Доннел күйеуiнiң көзiне шөп салған екен. Онымен қоймай, үш баласын мүгедек әкесiне жiбермей қойған. Ендi қазiр сот жүрiп жатыр. Хирург ажырасушы әйелiнен екеуiне ортақ мүлiктiң жартысы мен өзiнiң бүйрегiн талап етiп отыр. «Теориялық тұрғыдан бiз бүйректiң өзiн емес, оның құнын талап етемiз», – дейдi Ричардтың адвокаты Доминик Барбара. Ал оның құны – 1,5 миллион доллар. «Ит – опа, қатын – жапа» деген осындайдан шыққан болар, сiрә... Салтан Сәкен.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
