[22.01.2009.] ҚЫРҒЫЗДАР «ДІН ТУРАЛЫ» ЗАҢЫН КҮШЕЙТТІ
20:32
ҚЫРҒЫЗДАР «ДІН ТУРАЛЫ» ЗАҢЫН КҮШЕЙТТІ
Жаңа заң бойынша, діни ұйым құру үшін құрамында кем дегенде 200 адам болуы керек, бұрын олардың саны 10 кісімен шектелген болатын. Бұдан былай, балабақшалар мен мектептерде, қоғамдық орындарда сондай-ақ, үй-үйді аралап, діни уағыз-насихат жүргізуге қатаң тыйым салынбақ. Елдегі діни ахуалды жақсартуға арналған нормативтік актіні Қырғыз елі мұсылмандарының діни басқармасы мен орыс православие шіркеуі қолдайтындықтарын ресми түрде мәлімдеді. Дегенмен, ел аумағындағы кейбір діни ұйымдар «біздің құқығымызды шектеді» деп байбалам салып та жатыр. Осыған орай Еуропа Одағының өкілдері де өздерінің жаңа заңның кейбір тұстарына келіспейтіндіктерін білдірді. Алайда, қырғыз билігі ешкімнің де сөзіне пысқыратын түрі жоқ. Елдің тұрақтылығына тікелей әсер ететін жаңа заңды парламент депутаттары да бірауыздан қолдап дауыс берген.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
