[22.01.2009.] Израиль қарулы күштері Газа Секторындағы әскерін шығарып бітті
23:13
Израиль қарулы күштері Газа Секторындағы әскерін шығарып бітті
Өткен сенбіде Израиль соңғы 3 апта бойы хамастықтарға қарсы жүргізген әскери операцияның аяқтағанын хабарлады. Бірақ бұл жауынгерлер Газамен шектесіп жатқан аумақтағы қауіпсіздікті қамтамасыз етуге жұмылдырылып жатыр. Ал, Израильдің барлаушы әскери-ұшақтары Газа аймағын айнала ұшып, әскери кемелер кез-келген жағдайда шұғыл қимылдау үшін сақадай сай тұр. Газа Секторына гуманитарлық көмек түсіп жатыр. Бірақ ресми Тель-Авив шекарадан тек ең қажетті деген нәрселерді өткізуге рұқсат берген. Қаланы қайта қалпына келтіру үшін қажетті құрылыс заттарын аймаққа енгізу мүмкін болмай отыр. Дегенмен, палестиндықтар мен хамастықтар бұл соғыста жеңіке жеттік деп ұрандап жатыр. Осыған орай бүгін Газа Секторы мен Хан Юнуста кең ауқымды шеру өтуде. Хамастың жалауын ұстап, көше бойын аралап жүргендер мыңдап саналады. Естеріңізге сала кетейін, Израильдің «балқыған қорғасын» әскери операциясынан 1300 палестинық қаза тапты. Олардың 3-тен бірі балалар. "Қазақстан РТРК"
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
