[23.01.2009.] 4 МЕМЛЕКЕТ ИЗРАИЛЬМЕН БАЙЛАНЫСЫН ҮЗДІ
23:28
4 МЕМЛЕКЕТ ИЗРАИЛЬМЕН БАЙЛАНЫСЫН ҮЗДІ
Газа секторындағы әскери іс-қимылдарға наразылықтарын білдірген Катар мен Мавритания елдері Израильмен дипломатиялық және экономикалық қарым-қатынастарын доғарды. Бұл жөнінде жуырда Катар астанасы Дохада өткен араб елдерінің шұғыл саммитінде аталған мемлекеттердің өкілдері мәлім етті. Бұған дейін Израильмен байланысын Боливия мен Венесуэла да үзген болатын. «Балқыған қорғасын» деп аталған бұл әскери іс-қимыл үш аптадан артық уақытқа созылды. Бомбалаудың негізгі қарқыны осынша уақыт аралығында жүрді. Мұнда палестиндіктер жағынан мыңнан астам адам көз жұмса, олардың үштен бірі бейбіт тұрғындар еді. Бұдан өзге, 5 мыңдай адам жарақат алды. Ал Израиль болса, 13 адамынан айырылды. Сырттан келген шабуалға исламистер де қарап қалған жоқ. Мәселен, соғыстың соңғы күндерінің бірінде олардың Израильге бағыттаған зымыраны бір зауытқа тиіп, одан бірнеше адам зардап шекті.
Суреттерде: Қатар Әмірі шейх Хамад бин Халифа және Венесуэла президенті Уго Чавес
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
