[24.01.2009.] Газа аймағындағы Қазақстан азаматтары елге оралды - 24 Января 2009

Газа аймағынан эвакуацияланған қазақстандықтар елге келді. Олар мінген ұшақ таңғы сағат 8:30-да Алматы әуежайына келіп қонды. Онымен 16 адам, оның ішінде 4 әйел, 12 жас жеткіншек елге жеткізілді.
Құрманбек Жұмағали, тілші:
- 19 қаңтар күні Газа секторы аумағынан Ресей, Украина, Араб Әмірліктері және Қазақстан азаматтары эвакуацияланған болатын. Рейс бағыты: Газа аймағы-Мысыр, Мысыр-Түркия, Түркия-Алматы. Бүгін міне, таңғы сағат 8:30-да Алматы әуежайына 4 әйел және 12 бала ұшақпен келіп қонды.
22 күн бойы қанды қақтығысты көріп, елге орлағысы келген азаматтар бүгін міне, үйлерінде. Олардың айтуынша, соғыс кезінде барлық жолдар жауып тасталды. Тіпті, елшіліктің көмегінсіз ешқайда бара алмайсың,-дейді. Электр жарығы мен газ күніне екі сағат берілген. Күні-түні атыс-шабыс тоқтамаған, секунд сайын жарылыс. Газа аймағына оқ атқылау басталғалы Израильдегі Қазақстан елшілігі өз азаматтарын эвакуациялау жұмысын жүргізген. Оған дейін елшілік 25 қазақстандықты қайтарды.
null

Александра Салям:
-Біз елшілік азаматтарына разымыз. Ерекше алғыс Мысырдағы және Түркиядағы елшілік қызметкерлеріне алғысымыз зор. Өте жақсы, әрі тез ұйымдастырды. Бізді қонақ үйге орналастырды.
Эвакуацияланған азаматтар: жедел шара ойдағыдай жүргізілгенін, Газадан елге оралу туралы өтініш берген әрбір қазақстандық азаматқа көмек көрсетілгенін айтады. Мысыр арқылы алып шығу жөніндегі келісімге қол қойылып, атыс-шабыс аяқталған соң ғана елге оралуға рұқсат етілді,-дейді Анна Тупилина. Ал, Алла Алхозундар, күйеуіне Қазақстан азаматтығын алуға рұқсат берілсе осында қалуды ойлап отырғандарын айтады. Газа аймағындағы әр 3-үй бомбаланған. 300 мектеп қираған,-дейді оралғандар. Газада қазақстандықтар әлі де бар. Көбі дәрігерлер мен медбике қызметінде жүргендер. Эвакуацияланған 4 әйелдің жұбайлары сол Газада дәрігер. Олар күйеулерін Қазақстанда күтетіндерін айтады. "Хабар агенттігі"