Қазақстан Мұсылмандарының діни басқармасы, Меккеге қажылыққа баратын азаматтарға құлаққағыс жасайды. Сауд Арабиясын бетке алған қажылық парызын өтеушілердің қолында, алдымен, доңыз тұмауы мен кәдімгі тұмауға қарсы екпе жасалғандығы туралы анықтама болуы тиіс. Отандық дәрігерлер де сақ болуды ескертеді. Себебі Сауд Арабиясы- Таяу Шығыс елдері ішінде АH1 N1 вирусы кең тараған мемлекеттер қатарында. Мұнда 230 мың адам қатерлі індетке ұшыраған. Сондықтан Сауд Арабиясына виза алу үшін, басқа да бірқатар жаңа құжаттарды әзірлеуге тура келеді. Балтабай Мекежанов, Қазақстан Мұсылмандары Діни басқармасының қажылық бөлім меңгерушісі Қажылыққа баратын азамат визаға паспортын тапсырған кезде, төлқұжатымен бірге әртүрлі тымауға байланысты алған анықтаманы тапсыру. Одан кейін егер сол кезде тымауға қарсы вакцина табыла қалған күнде сол вакцинаны алғаны жөнінде анықтама тапсыру керек.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
