[10.08.2009.] Дінтану пәні сабақ кестесіне енгізілмек
06:01
Дін туралы білімді мектеп партасынан бастап үйрету керек деген дінтанушылардың дабылы биліктің құлағына жеткен тәрізді. Биылғы оқу жылынан бастап мектептерде “Дінтану негіздері” атты пән енгізіледі. Бұған дейін бұл пән факультатив ретінде, яғни оқушының қалауы бойынша оқылса, енді жоғарғы сыныпта оқу міндетті болмақ. Өзге конфессиялар: “Біз туралы мәлімет енбей қалыпты” деп дүрлікпесе болғаны… Әрине, бастапқы кездері оқулық сапасы, мұғалімнің пәнді дұрыс оқыта білуі тәрізді кемшіліктер орын алар. Алайда, уақыт өте келе мектеп партасынан түлеп ұшқан өрендер әрбір діннің ағы менен қарасын ажырата алатын болады деген үміт бар. Ең бастысы, күні ертең елімізде қаптап жүрген конфессиялар: “Оқулыққа біздің діни қоғамымыз туралы мәлімет енбей қалыпты” деп дүрлікпесе болғаны… Менің ойымша, бұл пәнді оқытатын мұғалімнің де жеке ұстанымына абай болған жөн. Кім біліпті, “Дінтану пәнінің” мұғалімі иеһованың, әлде кришнаның немесе ислам атын жамылған әлдебір ағымның өкілі болып шығуы мүмкін ғой. Одан соң, қазір дінтанушыларды дайындайтын оқу орындары да бізде некен-саяқ. Бір білерім, Алматыдағы Нұр-Мүбәрәк ислам университеті. Одан басқа, әл-Фараби университетінде оқытатынын білемін. Сөзсіз, қоғамда діннің күші басым болып келе жатқан тұста, дінтану тәрізді пәннің оқытылуы аз да болса, діни төзімділіктің орнауына септесер. Алайда, болашақта ұлтаралық татулық сақталсын десе, толеранттылыққа шақыратын арнайы пәннің де енгізілгені жөн болар еді. http://neweurasia.net
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
