Былтыр қыркүйек айында алғаш рет ауыз бекітіп, ораза ұстаған едім. Рамазан айы биыл қашан басталады екен?Жібек Ақмұрат, Қарағанды Қазақстан мұсылмандарының діни басқармасы өкілдерінің айтуынша, қайырымдылық пен кеңпейілділік кезеңі – қасиетті Рамазан айы он күннен кейін, яғни тамыздың 21-і күні басталады. Отыз күнге созылатын ораза қыркүйектің 20-сында аяқталады. Аллаһ тағала Ислам үмбетіне дейінгі үмбеттерге парыз еткендей, мұсылмандарға да ораза ұстауды парыз етті. Балиғатқа толған, ақыл-есі бүтін, денсаулығы шыдайтын және жолаушы емес әрбір мұсылманға жылына бір рет Рамазан айында ораза ұстау – парыз. Бұл уақытта әр мұсылман таң атқаннан күн батқанша тамақтан, сусын ішуден, сезім рахатынан аулақ ұстану керек. Нақ осы қасиетті айда жұмақ есігі және Аллаһтың шапағатына кеңінен есік ашылады. Ораза ұстаудың негізгі мақсаты – Аллаһтың разылығы мен оған құлшылық жасау болып табылады. "Алаш айнасы" газеті.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
