[12.09.2009.] Саудия Корольдігінің Елшілігі Қажылыққа және Умраға виза алу үшін қойылатын санитарлық-гигиеналық талаптардың тізбесін таратты - 12 Августа 2009

Хижра бойынша 1430 жылғы Қажылық маусымының жақындауына байланысты Саудия Патшалығының Елшілігі Қажылыққа және Кіші қажылыққа (Умра) виза алу үшін қойылатын санитарлық-гигиеналық талаптардың тізбесін таратты. ҚазАқпарат назарларыңызға осы талаптардың тізбесін ұсынады.
Қажылыққа және Кіші қажылыққа (Умра) виза алу үшін қойылатын санитарлық-гигиеналық талаптардың тізбесі
Вакциналар:
1. Қажылыққа және маусымдық жұмысқа келушілер елдерінің құзырлы органдары барлық ересектерге және 2 жасқа толған балаларға менингитке қарсы (ACYW 135) 4 компонентті вакцинаның міндетті егілгені туралы анықтама қағаздың бар екендігін көз жеткізуі керек;
2. Патшалыққа келгенге дейін, мінәжат етушілердің, әсіресе қарт адамдар мен тыныс жолының созылмалы ауруларына шалдыққан адамдардың, сусамырмен, бүйрек, бауыр, жүрек ауруларымен ауыратындардың маусымдық тұмауға қарсы да егілгені жөн.
Азық-түлік өнімдері:
Қол жүгі мен азық-түлік өнімдерін әкелуге тыйым салынады. Корольдікке жерүсті көлігімен келушілерге вакуумды, тексеру кезінде оңай ашылатын және сапарға жететін құтыланған өнімдер әкелуге рұқсат етіледі.
Сақтық шаралары:
Пандемияға ұласу қаупі бар ауру ошағы анықталған жағдайда, мінәжат етушілер келген елдерге қатысты қауіпсіздіктің қосымша шаралары қабылдануы мүмкін. Атап айтқанда, мінәжат етушілердің арасында инфекцияның таралуына жол бермеу мақсатында, науқастар Дүниежүзілік денсаулық сақтау ұйымымен келісе отырып, экстрадициялануы мүмкін.
Тұмаудың өршуіне байланысты, жоғарыдағы талаптарға тағы бірнеше баптың енгізілгенін хабарлаймыз:
1. Барлық мінәжат етушілер Қажылыққа виза алу үшін, консулдыққа визаға өтініш берерден 2 апта бұрын тұмаудың маусымдық түрлеріне қарсы вакцина қабылдағаны туралы анықтама қағаз көрсетуі керек.
2. Барлық елден келген мінәжат етушілер сондай-ақ, консулдыққа визаға өтініш берерден 2 апта бұрын А/H1N1 тұмауына қарсы вакцина алғандығы туралы анықтама қағаз көрсетулері керек (егер оған дейін осындай вакцина жасалса).
3. Мінәжат етушілердің елдеріндегі құзырлы органдар олардың арасында А/H1N1 тұмауының алдын алу жөніндегі ағартушылық жедел курстың өткізілгенін куәландыруы қажет. АСТАНА. ҚазАқпарат.