[13.08.2009.] АҚШ-та ДІНДЕР ДОСТЫҒЫ ЖАНДАНУҒА ЖАҚЫН
22:56
Белгілі евангелиелік пастор Рик Варрен Вашингтондағы солтүстікамерикалық Ислам қауымдастығының штаб-пәтерінде сөз сөйледі. Жалпы, евангелиелік ортада исламға қарсы пиғылдар көп болғанымен, мұсылмандар бұл оқиғаны жақсылық нышанына балап отыр. 2001 жылдың 11 қыркүйек күні орын алған лаңкестік әрекеттен кейін евангеликтердің 62 пайызы өз діндерінің исламмен ешқандай байланысы жоқ десе, пасторлардың 77 пайызы исламды жауыздық діні деп біледі екен. Алайда, американдық мұсылмандар мұндай жағдайдың бетін әрі қылып, әртүрлі діни қауымдастықтар арасында достық қарым-қатынас орнатуға үмітті. Бүгінде АҚШ-та осындай достық қатынасты білдіретін "grassroots dialogue" (яғни «өсімдік тамырларының диалогы») деген тіркес қолданылып жүр. АҚШ мұсылмандарының көбі Чикаго мен оның маңайын (400 мыңдай) мекендейді. Сол қалада көбінесе христиан-мұсылман біріккен іс-шаралары өткізіліп тұрады. Бұған дейін католиктер, методистер және пресвитериандар осындай кездесу шараларын өткізген. Бірақ, қазір олар тек дін лидерлері деңгейіндегі қатынастармен ғана шектеліп келеді. Американдық мұсылмандар өзге дін-дегілермен байланысты тезірек жолға қою керектігін жақсы түсінеді. Егер осылай бір-бірін түсініспей жүре берсе, экстремистердің тағы бір лаңкестік шабуылынан кейін, діндер арасындағы қақтығыстар жалғаса беруі мүмкін, дейді олар. http://muftyat.kz
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
