«Мәдина» баспа үйі шығарған серияның кезекті томы Ресейдің Орталық-Еуропалық бөлігіндегі ислам дініне арналған. Онда исламның мәдени және діни мұрасы қамтылып, Орталық федеральдік округтегі, Вологда, Пенза облыстары мен Мордовия Республикасын-дағы мұсылман-дардың қазіргі жағдайы туралы сыр шертеді. Энциклопедияның бас редакторы Дамир Мұхитдиновтің айтуынша, бұл томның алдыңғылардан ерекшелігі - мұнда аймақтағы исламға қатысты бұған дейін көп айтылмаған мәліметтер қамтылған. «Орталық Ресейдегі ислам және мұсылмандар туралы қазіргі тарих жылнамалары тек Қасым хандығы мен осы аймақтағы татарлар тақырыбын ғана қозғайды. Тіпті, көрші Рязань облысындағы татар ұлтының этнографиялық топтары ғылыми түрде әлі зерделенбеген. Біз осы мәселелерді кеңінен қозғадық, сондықтан бұл том Ресейдің тарих саласындағы құнды еңбектердің бірі болды»,- дейді ол. 2009 жылдың аяғына дейін тағы да «Еділ бойындағы Ислам» және «Оралдағы Ислам» атты екі том шықпақшы. Естеріңізге сала кетсек, үстіміздегі жылы наурыз айында «Ресей Федерациясындағы Ислам» сериясының «Санкт-Петербург және Ресейдің Солтүстік-батыс бөлігіндегі Ислам» деген атпен үшінші томы жарық көрген болатын. http://muftyat.kz
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
