[13.08.2009.] ИСЛАМ ӨНЕРІНІҢ БІРЕГЕЙ БҰЙЫМДАРЫ КӨРМЕСІ
22:59
Абу-Даби қаласында ғасырлар бойғы ислам өнерінің құндылықтарына арналған «Ислам: сенім мен тағзым» атты бірегей өнер туындыларының көрмесі өтіп жатыр. Оған Ыстамбұлдың жеті мұражайында тұрған 150-дей құнды жәдігерлер қойылды. ІХ-ХІХ ғасырлар аралығында жасалған өнер туындыларынан сол заманның мәдениеті, өнері, тарихы мен сенімі аңғарылады. Олардың қатарында қолжазба Құрандар, ең көнесі ІХ ғасырда жазылған, алтыннан тігілген кілемдер, жайнамаздар мен орамалдар (ХV-ХІХ ғасырлар), жамылғыштар мен Қағбаның әртүрлі бөлшектері, күмістегі пайғамбарымыз Мұхаммед (с.ғ.с.) табанының ізі, Омейядтар династиясының екі жүзді қылыштары (VІІ ғ), металл шілтерлі шамдар, айқышты ыдыстар бар. Сонымен қатар, жұлдыздары самсаған аспан әлемі моделі (ХVІІ ғ.), астролябия аспабы (ХІІІ ғ.) және Қағба жақты көрсететін компас (ХVІІІ) та жұртшылық назарына қойылған. Бірнеше тақырыптық залдар пайғам-барымыз Мұхаммедтің (с.ғ.с.) өміріне, дінге, намазға, қажылыққа және бақилық өмірге арналған. Көрме 10 қазанға дейін жалғасады. http://muftyat.kz
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
