Қостанайлық бауырларымыз облыс орталығындағы «Алау» телеарнасын жақсы біледі. Үстіміздегі жылдың мамыр айынан бастап, аталмыш телеарнаның «Өмір ағымы» бағдарламасы бойынша «Ақиқат шуағы» деп аталатын айдар ашылды. Онда айына екі рет бір жарым сағаттан түрлі діни тақырыптарға арналған хабарлар беріліп тұратын болды. Облыстың бас имамы Ертай қажы Балахмет (суретте) бекіткен кесте бойынша жыл бойы облыстағы барлық аудандар мен қалалардың имамдары осы телеарнаға арнайы шақырылып, жоғарыда аталған айдар бойынша көпшілік алдында тікелей эфир арқылы сөз сөйлейді. Телекөрермендердің қойған сұрақтарына байланысты нақты жауап береді. Мысалы, алғашқы хабарда «Отанды қорғау - абзал борыш» деп аталатын өте өзекті тақырып әңгіме арқауына айналды. Таяуда Қарабалық ауданындағы Ғашура ана атындағы мешіттің Бас имамы Төлеген Керімбаев «Рамазан айының қасиеті» деген тақырыпта тартымды әңгіме қозғады. http://muftyat.kz
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
