Белгілі дінтанушы, газетіміздің тұрақты авторы, «Нұр-Қазақстан» қажылық компаниясының президенті Аманкелді Еренғайыпұлы М.Ломоносов атындағы Мәскеу мемлекеттік университетінде «Адамның табиғи әлеуметтік болмысына Исламның ықпалы» деген тақырыпта философия ғылымдарының кандидаты дәрежесі үшін ғылыми диссертациясын сәтті қорғап шықты. Бұл еңбекте философиялық, теологиялық, мәдениеттану, тарихи, психологиялық салаларды қамтитын сан ғасырлық мұсылман мәдениетіндегі адамның еркіндігі мен жауапкершілігі мәселелері қарастырылған. Оның негізгі мақсаттарының бірі философиялық, Батыс Еуропалық философиялық-теологиялық дәстүр бойынша және мұсылмандық фәлсафа дәстүріндегі еркіндік пен жауапкершілік түсініктеріне салыстырмалы қорытынды жасалған. Ізденістің өзекті мәселелері аясында біздің қоғамымыздағы Исламды танып-білудің терең мәні ашылған. Ғылыми жетекшілері: философия ғылымдарының докторы М.З.Изотов пен философия ғылымдарының кандидаты Н.Г.Аюпов, ресми оппоненттері: философия ғылымдарының докторы К.К.Бегалинова мен философия ғылымдарының кандидаты В.А.Иванов, жетекші ұйымы: Абай атындағы ұлттық педагогикалық университеті. Жерлесіміз, діндар А.Еренғайыпұлын Мәскеуде дін тақырыбындағы күрделі ғылыми еңбегін сәтті қорғауымен құттықтаймыз. http://muftyat.kz
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
