Аса Мейірімді, ерекше Рахымды Аллаһтың атымен! Құрметті мұсылман бауырлар! Ата дініміздің жанашырлары! Тәуелсіз Қазақстан – зайырлы мемлекет. Алайда, Ислам дінінің ұлттық тамырымыздың алтын өзегі екеніне ешкімнің күмән келтірмейтіні анық. Аллаһ қаласа, биылғы жылдың қасиетті Рамазан айында Қазақстанда тұңғыш рет ислами ағартушылық бағыттағы «Асыл арна» телеарнасы өз жұмысын бастамақ. Телеарна Қазақстан мұсылмандары Діни Басқармасының қолдауымен және Бас Мүфти Әбсаттар қажы Дербісәлінің тікелей қамқорлығымен ашылуда. Тамыздың 20-шы жұлдызы күні сағат 10:00 де Қазақстан мұсылмандары Діни Басқармасының бас ғимаратында телеарнаның ашылу салтанаты өтпекші. Аллаһ қаласа, 21-ші тамызда, қасиетті Рамазан айының бірінші күнінен бастап, «Асыл арна» телеарнасының бағдарламаларын «АлмаТВ» кабельдік телевизиялық жүйесінің сандық (цифрлық) тарату форматынан тамашалай аласыздар. Телеарнада көрсетілетін кейбір телебағдарламаларды "Асыл арна" телеарнасының интернеттегі ресми сайтынан да көруге болады. Сайттың сілтемесі: http://asylarna.kz Қасиетті Рамазан айында бізбен бірге болыңыздар. Аллаһ тағала баршамызға тура жолы мен игілігін нәсіп етсін!
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
