[20.08.2009.] Орталық мешіт күрделі жөндеуден өтті
00:29
Қасиетті Рамазан айының қарсаңында Қарағандыдағы орталық мешіт күрделі жөндеуден өтіп, пайдалануға берілді. Құрылыс жұмыстарына демеушілердің көмегімен шамамен 20 миллион теңге қаражат жиналған. Мешіттің сыртқы келбеті толықтай жаңартылды. Сонымен қатар, Құран оқитын бөлмесі, күту залдары, асханасы кеңейтілді. Қазір мешіт жанынан медресе құрылысы басталды. Рамазан айында мешіт асханасында студенттерге, жалпы ораза тұтқан жамағатқа 30 күн бойы ауыз ашар дастарханы жайылады.
Бүгін кешкілік мешітте Тарауих намазы оқылады. Имандыққа бет бұрған жастардың да қатары көбейіп, бұрынғы мешіт тарлық етуде. Сондықтан алдағы жылы Қарағандыда жаңа мешіттің құрылысы басталмақ. Наурызбай қажы Өтпенов, Қарағанды облыстық орталық мешітінің бас имамы: - Қарағандыда 600 мыңға жуық халық бар, ал мешіттер саны өте аз. Тіпті, ең үлкен деп саналатын осы орталық мешіттің өзінде келген адамдар жаңбырлы, қарлы күндері мешіт алаңына, яғни, далаға киімдерін жайып, намаз оқиды. Қазіргі мешіт өте тарлық қылуда. Қазір қаладан жаңа мешіт соғуға үлкен жер белгіленді. Бүгінгі күні жобасы дайындалып жатыр. Алла қабыл етсе, келесі жылы қалада жаңа мешіт тұрады деген жоспар бар.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
