«Иманғали» облыстық (Атырау облысы) мешіті имамдармен өткізген 4 күндік семинарда азаматарымыз бен азаматшаларымызға қасиетті Рамазан айында адамды мас қылатын спирттік ішімдіктерден аулақ болуға Үндеу қабылдады. Мұндай Үндеу Қазақстан мұсылмандары діни басқармасының қолдауымен Рамазан айында Алматы және Түркістан қалаларында бұрында да өткізілген болатын. Биыл ҚМДБ-дан келген арнайы өкілдер біздің облыста да осындай Үндеудің жариялануын қолдады. Әз Пайғамбарымыздың «Ішімдік барлық жамандық атаулының кілті» деген қасиетті сөзі бар. Ендеше, мұсылман бауырлар, адамды дұрыс жолдан адастыратын ішімдік атаулыдан кем дегенде бір ай өз-өзімізді алыс ұстайық. Өйткені, Рамазан айы қасиетті де берекеге толы, адам баласына тек жақсылық әкелетін ай. Бұл айда тозақ есіктері жабылып, жұмақ есіктерінің ашық тұратындығын ұмытпайық. Өзіміз үшін сауапты іс жасауға ұмтылайық, бауырлар. Ақпарат көзі.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
