Қасиетті Рамазан айында әкімқарасы бар, қарапайым бұқарасы бар, иманға ұйыған жамағат ниет қылып, Алла алдындағы парызын өтейді. Менің білгім келетіні, ел алдындағы атқамінерлердің ораза тұтып, ауызашар беретін игі дәстүрі бар ма екен?Мұртаза ЕЛДЕНБАЙ, Талдықорған Әлемдегі мұсылман елдерінің көпшілігінің мемлекет басшылары жыл сайын ораза тұтып, ауызашар беруді дәстүрге айналдырған. Мұсылман емес елдерден АҚШ Президенті Билл Клинтонның дәстүрін кіші Джордж Буш та іліп әкеткенін, Британия Корольдігінің тақ мұрагері – Чарльздің, Путиннің ауызашар ұйымдастырғанын шетелдік БАҚ жарыса жазды. Мұсылман әлемін өзіне жақын тұтатын Барак Обаманың ауызашар беретініне күмән жоқ. Иран Президенті Махмұд Ахмадинежадтың қарапайым адамдармен бір дастарқанда ауыз ашуы олар үшін таңсық емес. Елдегі әкімдердің ішінде Иманғали Тасмағамбетовтің былтырлары Түркияның Ыстамбұл қаласының Бағжылар және Зейтiнбұрны аудандарының әкiмдiктерiмен бiрлесiп, ауызашар беретін игі дәстүрі ел есінде. Сондай-ақ былтыр Қазақстанның Ресейдегі елшісі болған Нұртай Әбіқаевтың елшілікте ауызашар ұйымдастырғаны баспасөзде жазылды. Осындай игі үрдіс атқамінерлер арасында биыл да жалғасын табатын сияқты. www.alashainasy.kz
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
