[24.08.2009.] Қос мұнаралы Алла үйі келер жылы ашылуы тиіс
17:10
Ресей астанасы Мәскеуде де кейінгі кездері мұсылмандардың қатары көбейіп, жұма намазында мешітке адам симай қалады. Осыны ескерген діни басқарма өкілдері Мәскеу Үкіметінің қолдауымен 2005 жылы жаңа мешіт құрылысын бастады. Қос мұнаралы Алла үйі келер жылы ашылуы тиіс. Марат Аршабаевтың Мәскеу Жәмиға мешітінде қызмет етіп жатқанына биыл 10 жылдан асты. Ол, мешіт жанындағы медресе директорының орынбасары және кітапхана меңгерушісі. Мешіттегі кітап қоры жылда жаңарып тұрады. Кітапханадағы оқулықтардың ең көнесі әрі ең үлкені – Құран Кәрім.Оны басып шығарған Петербор Археологиялық институтының профессоры Николай Покровский. Марат Аршабаевтың айтуынша, Ислам діні орыс ғалымдарын үнемі қызықтырып отырған. Мұсылмандықты қабылдаған ғалымдар Ресейде қазірде көп.
Марат Аршабаев, Мәскеу Жәмиға мешіті жанындағы медресе директорының орынбасары Ресейдің көптеген атақты ғалымдары мен саясаткерлері осы мешітке келіп Құдайға құлшылық етеді. Мұндай енді мұсылмандар бүгін көрсеңіз көп болды. Бұрын ондай емес еді. Қазір мешіт толып адамдар сыртқа дейін шығып кетеді.
Мәскеу орталық мешітінің қасынан осы күнде жаңа мешіт салынып жатыр. 75 метрлік қос мұнарасы бар Мешіт 15 мың шаршы метр жерді алады. Мұнда бір мезгілде бес мың мұсылман намазға жығылатын болады. Мешіттің бас архитекторы Ілияс Тәжиев деген қазақ жігіт.
Муфтий Шейх Равиль Гайнутдин, Ресей Федерациясы Муфтилер Кеңесінің төрағасы, Ресейдің Еуропа бөлігіндегі Мұсылмандардың рухани басқармасының төрағасы Қазақстан Мешіт құрылысына да үлкен көмек көрсетіп жатыр. Көптеген құрылыс материалдары жеткізілді. Енді Қазақстаннан Мешіт сыртына арнайы граниттер жеткізілетін болады. Нұрсұлтан Әбішұлы қазақ халқы атынан бұған дейін Мәскеудегі Иса пайғамбар Храмы құрылысына да көмек көрсеткен болатын. Енді міне үлкен мешіт құрылысына да ат салысып жатыр. Алла тағала жарылқасын деймін. Мұсылмандар бұл жақсылықты ұмытпайтын болады.
Муфтий Шейх Равиль Гайнутдин Қазақстан мен Ресей мұсылмандары арасында тығыз қарым қатынас орнағанын айтады. Ресей Муфтийі қазір бізге Астана әкімі Иманғали Тасмағамбетов сыйлаған екі аса таяқты көрсетіп тұр. Екеуін де Муфтийі ірі діни мерекелер кезінде қолына ұстайды.
Муфтий Шейх Равиль Гайнутдин, Ресей Федерациясы Муфтилер Кеңесінің төрағасы, Ресейдің Еуропа бөлігіндегі Мұсылмандардың рухани басқармасының төрағасы Қазақ жеріндегі менің мұсылман бауырларым мен қарындастарымды осы Қасиетті Рамазан айы мен және Ораза мейрамымен шын жүректен құттықтағым келеді. Бұл күн қуаныш, бейбіт және бақ береке күні. Алла тағала бәрімізге ден саулық, бейбіт өмір берсін деп тілеймін. "Қазақстан РТРК"
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
