[26.08.2009.] Бұдан былай қазақстандықтар шынайы халал өнімді арнайы белгісіне қарап ажырататын болады
06:10
Бұдан былай қазақстандықтар шынайы халал өнімді арнайы белгісіне қарап ажырататын болады. Ал, халал тауарға қойылатын ортақ белгі бейне роликтер арқылы ұлттық арналардан халық назарына ұсынылады,-дейді «Қазақстанның халал-индустрия қауымдастығының» өкілі Кәрімқұл Сырманов. Жуырда құрылған қауымдастық құрамына 400-ден астам кәсіпорын кіреді. Олардың қатарында тамақ өнеркәсібі, фармацевтика, парфюмерия, косметика, жеңіл өнеркәсіп, қызмет көрсету, білім беру саласы мен қаржы жүйелері бар. Қазіргі кезде халал тауар түрлеріне деген сұраныс артуда. Мамандар шұжық өндіретін кәсіпорындар халал өнімнің жақсы өтетіндігін пайдаланып, тауарларына халал деген жалған белгі қоятындығын айтады.
Кәрімқұл Сырманов, «Халал-индустрия» қауымдастығының өкілетті өкілі: - Халалдың бүгінгі таңда жақсы өтетінін білген кейбір кәсіпорындар өзін халалмыз деп, жалған халал шығарумен айналысып жатыр. Енді соларды тыю немесе соларды тоқтату мақсатында біз оларды жауып тастау емес, басқа жолдармен единтификационный отличительный знак дейді, былай айтқанда белгі соғамыз. Сол белгі өзінің жасырын жолдары бар. Сол белгіні халал өнім шығаратын кәсіпорындарға ғана береміз. Солар пайдалана алады. Басқа кәсіпорындар оны пайдалана алмайды.
Қыркүйек айында Алматыда ислам шариғаты бойынша жұмыс істейтін банк ашылады. 2010 жылға дейін ислам қаржы жүйесі Қазақстан нарығының 10 пайызын құрайды деп жоспарланған. Мамандар шариғат талаптары бойынша несие беретін банктың ашылуы халал-индустрия саласының дамуына тікелей ықпал етеді деп есептейді деп хабарлайды www.caspionet.kz
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
