[26.08.2009.] Қостанайда дәстүрлі емес діни ағымдармен байланысты проблемалар талқыланды
15:30
ҚР Президенті жанындағы Адам құқықтары жөніндегі комиссияның сарапшысы Марат Башимов Қостанайда мемлекеттік мекемелердің қызметкерлері және педагогтармен кездесу өткізді. Кездесуде дәстүрлі емес діни ағымдармен және олармен байланысты проблемалармен күресу мәселелері талқыланды. Атап айтқанда, елде діни ағымдар бойынша мамандардың жетіспеушілігі бар, дейді сарапшы. Ондай мамандар әділет басқармаларында құқықтық рұқсатнама беру жұмысын атқара алар еді. Бірақ та бізде ондай қызметтер көбіне бос тұр, әсіресе селолық жерлерде немесе штаттық кестеде ондай қызметтер тіпті қарастырылмаған. Марат Башимов өз сөзінде сондай-ақ, дін саласына қатысты қазақстандық заңнаманың әлемдегі ең либералды заңнама екенін атап көрсетті. ҚОСТАНАЙ.ҚазАқпарат.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
