Темекі тарту көне замандарда, пайғамбарымыздың, сахабалардың кезінде әдет болмаған. Сондықтан темекі тартудың адал, яки арамдығына байланысты хадистерден, имамдардың пәтуаларынан нақты дәлел табу қиын. Темекінің «харам» екені қай кезден бері айтыла бастады? Марлен СӘЛМЕНҰЛЫ, Қостанай қаласы Темекі алғаш рет XVI ғасырда пайда бола бастағаннан бері оның адал не арамдығына байланысты ислам ғұламаларының түрлі пікір білдіргенін байқаймыз. Қайсібір ғұламалар темекіні нақты харам ететін Құран, не хадистен айқын дәлелдің жоқтығын және сол ғасырларда оның адам ағзасына зияндылығы анық дәлелденбегендігін алға тартып «мәкрүһ» немесе «мүбах» деп үкім шығарса, енді біреулері құрандағы кейбір аяттарға сүйене отырып «харам» деп кесіп айтқан. Ислам шариғатында кейбір үкімдердің заманы мен жағдаятқа қарай түрленетіні мәлім. Темекі тарту үрдісінің кең тарамаған әрі денсаулыққа аса зияндылығы нақты дәлелдене қоймаған ерте дәуірлерде берілген «мәкрүһ» үкімнің бүгінгі таңда басқаша қаралатыны анық. Сондықтан кейінгі ғасырларда темекі тарту әдетінің әлемде, оның ішінде мұсылмандар арасында да кең жайылып, денсаулыққа аса зияндылығы ғылыми тұрғыда нақты анықталғаннан кейін басым көпшілік ислам ғұламалары мен бірқатар ислами ұйымдар оның анық харам екендігін айтып пәтуа шығарды. Мысалы, Мысырдағы «әл-Азһар» университетінің жанындағы «пәтуа комитеті» 1979 жылы темекіге «харам» деп пәтуа шығарған. Алайда түрлі қарсылықтар мен ескертулерге қарамастан шылымқорлар темекі тартудан тартынар емес. Ақпарат көзі.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
