Қазіргі таңда діни экстремизм қаупінің өршуіне көпшілік қауымның діни білімі мен рухани өрісінің жетімсіздігі тікелей әсер етіп отырғандығы белгілі. Осы орайда, әділет департаменті, қалалық, аудандық әділет басқармаларымен жастар арасында діни экстремизмнің мәнісін ұқтыру және өскелең ұрпақ жастарымыздың экстремистік ағымдарға түсіп кетпеуі, оның алдын алу бағытында құқықтық түсіндіру жұмыстары тұрақты жүргізіліп тұрады. Осындай іс-шаралардың бірі Мұнайлы аудандық әділет басқармасымен аудан орталығы Маңғыстау селосындағы №1 орта мектеп қызметкерлері мен оқушылары арасында ұйымдастырылды. Кездесу «Дін және жастар» тақырыбында өтті. Кездесу барысында басқарма мамандармен қолданыстағы заңнамаға сәйкес азаматтардың діни сенім бостандығы жөніндегі құқықтары, облыстағы діни ахуал, тіркелген діни бірлестіктердің заңнама шеңберінде өз қызметін жүзеге асыру тәртібі, дәстүрлі дінді экстремистік бағыттағы ағымдардан ажырата білу, бүгінгі таңдағы жастардың жаппай дінге бет бұруы ( мешітке бару, намаз оқу, хиджаб кию мәселесі, т.с.с), тәрізді көкейтесті мәселелер бойынша бірқатар толыққанды ақпараттар берілді. Өз кезегінде мұғалімдер, мектеп оқушылары тарапынан қатысушыларға сұрақтар қойылып, ұсыныс пікірлері ортаға салынды.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
