[29.12.2010.] Азия парктен жік шықты, екі құлағы тік шықты
14:57
Астапыралла, естімеген елде көп деген рас екен. Жүре берсең көре бересің деген қазақ атамның сөзі тура келді. Елорданың сауда орталығының бірінде өткен бір шалбар үшін жұртты тыр-жалаңаш шешіндіру акциясы елді елең еткізді. Мұны жылдың ең жағымсыз жаңалығы деуге болады. Жыл соңында «батыстың жаппай жалаңаштану» атты қауіпті вирусы бізге де келіп жетті. Мұндай сорақы шара анау-мынау емес еліміздің бас шаһары - Астанада өтті. Тегін киінудің бір ғана шарты бар. Дүкенге тыржалаңаш кіріп, көпшіліктің алдында арлы-берлі ойқастап жүрсеңіз болғаны. Есесіне су жаңа джинсі шалбарын тегін иеленесіз. Бір өкініштісі, мұсылманшылығымызға таңба салатын ұятты істі жаңа жыл қарсаңында су жаңа сыйлық ретінде жасаған өзге емес, өзіміздің қаракөз бауырларымыз. Тұтынушыларды тырдай жалаңаш шешіндірген акцияны ұйымдастырушылар бұл әрекеттерін жастарды белсенді өмірге шақырудың тәсілі, тұтынушы тартудың бір жолы дейді. «Кейбір сауда орындары мереке қарсаңында 70 пайызға дейін жеңілдіктер жасайды. Ал біз болсақ «жалаңаштарға» киімді тегін береміз. Тек тұтынушы тыр жалаңаш шешінсе болғаны. Нағыз жеңілдік осы емес пе!» дейді жаппай «жалаңаштарды» жарылқауға көшкен Азия-парк сауда орталығы саудагерлерлерінің бірі. Бір киім үшін арын саудалаған акциядан қандай жастардың өмір сүруге деген белсенділігі мен құштарлығын көруге болады?! Жалғасы мұнда...
Азия парк шетел қонақтары мен қала тұрғындары жиі келетін орындардың бірі, яғни қоғамдық орын. Сондықтан бас шаһарымыздың төрінде осындай арсыз ойын ұйымдастырған ұйымдастырушыларды жауапқа тарту керек. Тартқанда, тайға таңба басқандай тарту керек, басқаларға сабақ болсын!
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
Алладан қорықпаған адамнан ұялмайды арсыз,надан
