Елбасы Нұрсұлтан Назарбаев Қазақстанның ОБСЕ-ге төрағалық етуінен зор
үміт күткен әлем жұртшылығының сенімін онан сайын арттырды. Мемлекет
басшысының жақында «Известия» газетіне берген сұхбатын оқыған сарапшылар
осылай деп отыр. Саясаттанушылардың айтуынша, Нұрсұлтан Назарбаев
Ресейлік басылымға берген сұхбатында Қазақстанның Еуропадағы қауіпсіздік
және ынтымақтастық ұйымына төрағалық ету барысында атқаратын шараларына
кеңінен тоқталған. Әсіресе, жас та болса бас болуға бел буған
мемлекеттің Азия мен Еуропа, мұсылман және христиан өркениеттерін
жақындастырып, ұлтаралық, дінаралық татулықты насихаттауы ұйымға мүше
елдердегі осы тектес проблемалардың шешілуіне септігін тигізеді-дейді
сарапшылар. Сондай-ақ, мемлекет басшысы сұхбатында Қазақстан үкіметінің
бір жыл ішінде адам саудасы, экология, бала құқығын қорғау, Ауғанстан
проблемасын шешуге бар күш-жігерді сарп ететін мәлімдеген. Ең бастысы,
Қазақстан ұйым тарихында дағдарысқа қарсы және дағдарыстан кейінгі
мәселелерді талқылауды ұсынып отырған тұңғыш мемлекет. Сондықтан әлемдік
қауымдастық тың бастамаларды көтеріп отырған елден көп үміт күтері
сөзсіз-дейді саясаттанушылар.
Нұрлан Сейдін, ҚР Президенті жанындағы стратегиялық зерттеулер
институтының аға ғылыми қызметкері
Елбасының мақаласы төрағалағымызға бағыт-бағдар берсе, екінші
жағынан, ұйымның төңірегінде біраздан бері шешілмей жатқан мәселерді
қарастыру, талдау талқылау. Соған байланысты Қазақстанның пікірін
білдіру деген сияқты. Сондықтан бұл өте күрделі өзекті мәселелер.
ОБСЕ-ге мүше мемлекеттердің басшыларының басқосуы биыл Астанада
жоспарлануда. Ұйымға мүше мемлекеттердің 56 басшысы бас қалада жинала
отырып, біраздан бері қордаланған мәселелерді кең түрде талдап бірқатар
ұсыныстар жасайды.
Нұрсұлу Қасымова
kaztrk.kz
|
