«Мүмін әйелдерге де айт: "(Бөгде ерлерден) көздерін сақтасын. Әрі ұятты жерлерін (зинадан) қорғасын. Ұятты болу, ұяңдық әйел менен ерге бірдей тән қасиет болуы керек. Дегенмен табиғи жаратылысы, темпераменттілігі мен қоғамдық ортада әйел кісінің әсіресе киім кигенде біршама жинақы болуы шарт . Негізі Құранда «Ей иман келтіргендер!!» деп айтылады. Ал бұл жерде арнайы әйелдер үшін айтылғандығын ескерсек, бұл әуретті жабу әйелдерге арналған үндеу болып тұр .
Әссәләму аләйкум, құрметті, бауырлар! Ұлы Раббымыздың мейірімімен, Фәлақ және Нәс сүрелерінің толық түсіндірмесін тәмамдадық. Бұдан бұрын ескерткенімдей, бұл жолы жалпы шолу жасап, қорытынды келтіреміз. Сондай-ақ, құлақтарыңызға алтын сырға!!! Алдағы уақытта осы екі сүренің реттелген, өңделген түрін кішігірім кітапша етіп, Фатиха сүресі сияқты мұны да блогқа жария етеміз. Ол кітапшада, иншалла, бәрі болмаса да, өте көп мағлұматтар келтіріп өтеміз. Бұл жолы жұртты жалықтырып алмау үшін, азғантай ғана шолу жасап, қалғанын сол кітапша еншісіне қалдырдық. Ондай болса… 1-Фәлақ пен Нәс сүрелерінің бізге мәлім үш аты бар. Біріншісі: «Муғаууизәтәәни», екіншісі: «Қул әғуузу бираббил фәлақ» пен «Қул әғуузу бираббин-Нәс» және үшіншісі «Фәлақ» пен «Нәс».
Құран Кәрімде оразаның парыз болғанын білдірген аятта “ораза санаулы күн болып табылады” деп бұйырылады. Шындығында басталған ораза айының үште екісі өтіп кетті. Адамның өмірі де ораза сияқты санаулы күндерден тұрады және қалай өткенін толық байқай алмай қаласың. Рамазан айы ең кемінде бір айлық мезгілде кейбір жақсы әдетке ие болуымызға, жаман әдеттерді тастауымызға себеп болады. Сондықтан мұсылман қауымдарда басқа айларға қарағанда қылмыстың ораза айында өте аз болғаны байқалуда. Разаман айы бойынша Құран Кәрім басқа уақыттардан тіпті көп оқылады. Мешіттерге басқа уақыттардан тіпті көп барылады. Зекет және бітір садақасы арқылы мүшкіл жағдайдағы адамдарға тіпті көп көмек беріледі. Бұлар адамның рухының көтерілуіне, сезімдердің күшеюіне себеп болады. Қысқаша айтқанда Рамазанда рухани әлеміміз болымды түрде ықпал көреді, бір көңіл байлығына жетеміз. Соңғы күндерде өтіп жатқан Рамазан айының әлеуметтік өмірімізде ерекше орны мен маңызы болғаны баршаға аян. Аталмыш бұл шындық әсіресе Рамазан айының соңғы аптасы үшін күшіне ие. Өйткені Рамазанның соңғы аптасы ішінде “қадір кеші” болады.
Құрметті бауырлар! Бүгінгі дәрісімізде Фәләқ пен Нас сүрелерінің тәпсірін жалғастырамыз. Алдыңғы сабақтарда айтып өткеніміздей, бұл екі сүренің толық мағынасы екеуінің тәпсірін қатар жүргізген кезде ғана ашылады. Сол үшін алдын ала ескерту жасап айтарым, екі сүренің Халифа Алтай атамыз аударған нұсқасын келтіріп, одан әрі қарай аяттардың тәпсірін жүргіземіз. Сіздерден талап етілетіні – айтылғанды мұқият оқып, түсінбеген болсаңыздар қайта оқып қарау, анықтамалар мен ережелерді жаттау және тиісінше амал ету. Бұл екі сүренің құр аудармасын оқыған жан сүренің арғы сырына жете алмауы ғажап емес. Бірақ, шын мәнінде бұл екі сүре ұлы сүрелердің бірі әрі көлемдері аз болғанына қарамастан сабағымыз бірнеше бөлімге бөлініп, біразға созылуы мүмкін. Ондай болса Аллаһқа тәуекел етіп, сүре тәпсірін бастайық!
Әссәләму алейкум уа рахмәтуллаһи уа баракәәтуһ, құрметті, оқырмандар! Бүгінгі дәрісімізде қасиетті Құрандағы соңғы екі сүре – Фәләқ (Таң) және Нас (Адамдар) сүрелерін түсіндіріп, талдап, осы екі сүре төңірегінде сөз өрбітеміз. Ғұламалардың барлығы дерлік бұл екі сүренің жалпы мазмұны мен стилі өзара жақын болуы себепті екеуін қатар алып, бірге тәпсірлейді. Тіпті екі сүрені “Мағуазатәйни” деп немесе “Муғаууизатайни” деп атайды. Қасиетті екі сүрені тәпсірлеп, мағынасын ұғынған кезде бұған өздеріңіз де куә боларсыздар, Аллаһтың қалауымен.
Бүгінгі дәрісіміз Құрандағы ұлы сүрелердің бірі – Асыр сүресінің түсіндірмесі болмақ. «Өмір – күрес» деген нақыл бар. Ал енді адам баласының бар күш-жігерін салып күресетін жауы – оның нәпсісі. Осыған орай отызыншы пара тәпсірін бастамас бұрын алдымен жанымызды тәрбиелеп алу әсте оңды болмақ. Ал жанды тәрбиелеп, нәпсіні тежеуге септігін тигізер сүре – Асыр сүресі. Асыр сүресінің әр аятына мән беріп, ішіндегі талаптарын оңды орындай білген жан ұлы қасіреттен ада болып, білім алуға жарарлық, Аллаһтың дініне шақыруда дұрыс тәрбие көрген мұсылман қатарына қосылары хақ. Фатиха сүресінің тәпсірін жүргізу барысындағы әдісімізге сай, қазақша баламасын Халифа Алтай атамыздың аударма нұсқасынан алып, түсініктеме мен толықтырулар жасап отырамыз. Ондай болса, Аллаһқа тәуекел етіп, іске сәт дейміз!
