Бидғатшылар
мен өз көңілдеріне ергендермен тартысып, айтысуды біздің ізгі
ата-бабаларымыз қатаң тыйым салған еді. Имам Ахмад былай деді: «сүннет негіздерінен...көңіліне ерген адамдармен қарым-қатынасты үзіп, дінге қатысты дау-дамайлар мен салғыласушылықты тастау» (усул ас-сунна, 23).
Мұғауия ибн Қурраһ айтты: «діндегі тартысушылық амалдардың түгі қалмай жоқ болып кетуіне әкеп соғады» (әл-аджурри «әш-шари`а» кітабында, 21).
Абу Қиляба: «көңілдеріне ерушілерге, оларды тыңдап көмектеспеңдер», - деді (ләләкәи, 246).
Тағы да белгілі табиғин Әйюб ас-сСхтияни былай деді: «бидғатшыларға қарсы ең жақсы жауап – үндемеу» (әш-шари`а, 56).
Абу Умамадан келген хадисте, пайғамбарымыз (саллаллоһу әлейһи уә сәлләм) айтты: «адамдар тура жолға түскеннен кейін, тек қана тартыстардың себебімен, әрқашан адасып кетуші еді». (Ахмад, ат-Тирмизи, ибн Мәджәһ. хадис хасан. «сахих әт-тарғиб», 137).
Алайда, егер бидғатшы адам шынымен-ақ таласуды емес, бірақ ақиқатты
білгісі келсе, онда онымен тақырыпты білетін, даналық пен жұмсақтық
таныта алатын адамның пікір-талас өткізуінде ешқандай айып жоқ. Аллаһ
тағала айтқанындай:
«Адамдарды раббыңның жолына даналық және көркем үгіт арқылы шақыр. әрі олармен көркем түрде тартыс жүргіз», (нахл, 125).
Әй, мұсылмандар! Білімді қалай да болса солай, кез-келген адамнан алып,
өз діндеріңе немқұрайлы болмаңдар. білім – сізді Аллаһқа жақындататын
дін емес пе? және де айтылған немесе жазылғанның барлығына, оларды
тексермейінше сене бермеңіздер. имам ал-барбахари айтқан: «замандастарыңның
қандай сөздерін естісең де, оны пайғамбардың (саллаллоһу әлейһи уә
сәлләм) сахабалары мен ғалымдар айтқан-айтпағанын біліп немесе сұрап
алмайыңша, асығып, оған сүйенбе!» (шархус-сунна, 27).
Ақпарат көзі: http://forum.al-hanifiya.kz
| 
