Қазіргі таңда www.asylarna.kz сайты ислам дінінің асыл құндылықтарын насихаттайтын үлкен видеопорталға айналып келеді. Күнделікті жаңартылып отыратын бұл сайт ALMA-TV кабельдік жүйесі арқылы эфирге тарап жатқан «Асыл арна» ислами-ағартушылық телеарнасының ғаламтордағы ресми видеосайты болып табылады. Сайттың күнделікті зияратшылары пайда болды. Діни бағыттағы видеоөнімдерді интернет бетінен көріп тамашалаған зияратшылар тарапынан алғыстар мен ұсыныстар көптеп ағылуда. Сонымен қатар, сайт Қазақстанда ана тіліміздің дамуына да өз үлесін қосуда. "Асыл арна" телеканалында қазақ және орыс тілдерінде көрсетіліп жатқан барлық видеоларды осы Сайттан көрулеріңізге болады. Әрине, кемшіліксіз нәрсе жоқ, өзіңіз байқаған қателер болса, кем-кетістіктер байқасаңыз, немесе өз тарапыңыздан айтар ұсынысыңыз болса, сайт әкімшілігі тыңдауға әзір. Осы орайда, "Асыл арна" телеарнасынан жарияланып жатқан «Қажылыққа тегін жолдама!» атты бәйгенің электронды нұсқасы Сайттың бетінде жарияланған. Арнайы қойылған банерлердің (сайттымыздың негізгі бетінде жоғарғы және оң жағында) үстін басып кіру арқылы бұл бәйгеге қалай қатысуға болады, оның қандай шарттары бар, не әзірлеу керек деген санқилы сұрақтардың барлығына нақты жауап ала аласыз. Қазірдің өзінде телеарнада және сайт бетінде жарияланған мәліметтерді көріп, көптеген өнерлі мұсылман бауырлар өздерінің туындыларын сайтқа жолдауда. Діни өлең жазатын ақындардың еңбектері сайттың электронды почтасына келіп түсуде. Сайттың бетінде "Қажылық-2009 қа тегін жолдама!" бәйгесінің видеолары да қойылды. Оларды сайт бетінен көріп тамашалай аласыз. Исламдағы бес парыздың бірі болып табылатын Қажылық құлшылығына әзірленген тегін жолдамалардың бірі Сізге де бұйырады деп үміт етеміз! Аллаһ тағала ниетіңізді қабыл етсін! Сізге Қажылық-2009 сапарын нәсіп етсін деп тілейміз! Ислам дінінің өсуіне үлес қоса беріңіз!
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
Іске сәт, бәйгеге қатысушыларға....
