Жұма намазынан себепсiз қалудан сақтану
Намазға себепсiз кешiгiп, адамдардың соңынан келу;
Хұтба уақытында сөйлеу, жеу,
iшу;
Жұма намаздың азанын ести тұра намазға келмей дүние iсiмен
айналысу;
Хұтба уақытында орын
ауыстырып адамдардың арасында жүру;
Үзiрсiз жұма намаздан қалу.
Осы айтылғандар мәкрүһ-тахрим амалдарына жатады. Мәкрүһ-тахрим
дегенiмiз – харам дәрежесiнде болған мәкрүһ амал. Шариғат жұма намазына
келмеудi тек үзiрлi жағдайда рұқсат етедi. Мәселен, жолаушы болу, науқастанып
әлсiздену, абақтыда болу, көзi көр болу, қатты жаңбыр немесе қар жауып, жол
жабылса, жолда қауiп болса.
"مَنْ تَرَكَ الْجُمْعَةَ ثَلاَثَ مَرَّاتٍ
تَهَاوُنًا بِهَا طَبَعَ اللهُ عَلَى قَلْبِهِ"
"Кiм селқостықпен үш жұманы тастаса, Аллаһ Тағала оның жүрегiне қара таңба басады.” Хадистi Әбу Жаьд ибн Ьамрден (р.л.ғ.) Имам Тирмизи риуаят еттi.
"لَيَنْتَهِيَنَّ
أَقْوَامٌ عَنْ وَدْعِهِمُ الْجُمُعَاتِ، أَوْ لَيَخْتِمَنَّ اللَّهُ عَلَى
قُلُوبِهِمْ، ثُمَّ لَيَكُونَنَّ مِنَ الْغَافِلِينَ"
"Пайғамбарымыз (с.ғ.с.) мiнбәрiнде тұрып: "Адамдар жұма намазынан қалуды тоқтатсын немесе Аллаһ Тағала олардың
жүректерiне қара таңба басуы
хақ. Кейiн ондай адам қапы пенделер қатарына жазылып қалады”, –
деп айтты.” Хадистi Ибн
Омардан (р.л.ғ.) Имам Муслим риуаят еттi.
| 
